नागढुङ्गाबाट लागुऔषधसहित एक पक्राउ

२२ साउन, काठमाडाैं । महानगरीय प्रहरी प्रभाग नागढुङ्गाबाट लागुऔषध गाँजासहित आज बिहान एक व्यक्तिलाई पक्राउ गरिएको छ । धादिङबाट काठमाडौँ आउँदै गरेको बा४ख ४४४७ नम्बरको बसमा जाँच गर्ने क्रममा बसमा सवार सञ्जय लामालाई लागुऔषधसहित पक्राउ गरिएको प्रहरीले जनाएको छ ।

उनले आफू बसेको सिटमुनि झोलाभित्र प्लाष्टिकमा लुकाएर ल्याएको अवस्थामा चार किलो गाँजा बरामद गरिएको महानगरीय प्रहरी परिसर काठमाडौँले जनाएको छ ।