चलचित्रकर्मीहरुले लगाए भेरोसेल खोपको पहिलो डोज

२५ साउन, काठमाडौं । नेपाल चलचित्र कलाकार संघको आयोजनामा चलचित्रकर्मीहरुले कोरोना खोप लगाएका छन् । आइतबार पाटन ढोकास्थित अशोक सिनमा हलमा चलचित्रकर्मीहरुले भेरोसेल खोपको पहिलो डोज लगाएका हुन् ।

खोप कार्यक्रममा बिहान ९ बजेदेखि १० बजेसम्म कलाकारहरुले खोप लगाएका थिए । यस्तै, ११ बजेदेखि १२ बजेसम्म चलचित्र निर्माता र हल व्यवसायी, १ बजेदेखि २ बजेसम्म प्राविधिक, २ बजेदेखि ३ बजेसम्म नृत्य र द्धन्द्ध कलाकार, ३ बजेदेखि साढे ३ बजेसम्म निर्देशक, साडे ३ बजेपछि जनजाती महासंघ र अन्य संघ संस्थामा आवद्ध चलचित्रकर्मीलाई खोप लगाइएको संघले जनाएको छ ।

खोप लगाउनका लागि कलाकारहरु भूवन केसी, पल शाह, पुष्प खड्का, रेजिना उप्रेती, धिरेन शाक्य, दुर्गेश थापा लगायत पुगेका थिए ।