प्रदेश नं १ मा ९५४ संक्रमित थपिए

२५ साउन, विराटनगर । प्रदेश नं १ मा कोभिड–१९ बाट ९५४ जना संक्रमित भएका छन् । एक हजार ७४४ जनाको पीसीआर परीक्षण गर्दा ५५४ र एक हजार ४८३ जनाको एन्टिजेन परीक्षण गर्दा ४०० मा सङ्क्रमण देखिएको सामाजिक विकास मन्त्रालयले जनाएको छ ।

मन्त्रालयका अनुसार पिसीआर परीक्षणका आधारमा झापा २५७, मोरङ १३८ मध्ये विराटनगर ६१, सुनसरी ९९, इलाम १९, धनकुटा १८, उदयपुर छ, सङ्खुवासभामा दुई, पाँचथर र तेह्रथुममा एक÷एक र प्रदेश बाहिरका १३ जनामा संक्रमण देखिएको छ ।

तीन सय ३८ जना कोरोना संक्रमणमुक्त भएका छन् । सोही अवधिमा कोरोना संक्रमणका कारण दुई महिलासहित पाँच जनाको मृत्यु भएको मन्त्रालयले जनाएको छ ।