लुम्बिनी प्रदेशसभाको बैठक एमालेद्धारा बहिष्कार

२७ साउन, बुटबल । लुम्बिनी देशका मुख्यमन्त्रीबिरुद्ध अविश्वास प्रस्तावको बारेमा छलफल गर्न आज बसेको प्रदेशसभाको विशेष अधिवेशनलाई एमालेले बहिष्कार गरेको छ ।

सर्वोच् अदालतमा विशेष अधिवेशन बारे मुद्धा विचाराधिन रहेकै बेला सञ्चालन भएको प्रदेशसभाको बैठक संविधानविपरीत सञ्चालन भएको भन्दै एमाले पक्षीय सांसदहरु अनुपस्थित भएका हुन् ।

संसद बस्नु भन्दा केही समय अघि मात्र राजीनामा दिएका मुख्यमन्त्री शंकर पोखरेलसहित वर्तमान सत्तापक्षका कुनैपनि सांसद प्रदेशसभा बैठकमा अनुपस्थित भएका हुन् ।

कम्तीमा एकजना मन्त्रीको उपस्थितिबिना सदन नचल्ने भएपनि प्रदेशसभाको कारवाही सभामुख पूर्णवहादुर घर्तीले अघि बढाएका छन् ।