आजदेखि उपत्यकामा राती ८ बजेदेखि सावारीसाधन चलाउन नपाइने

२८ साउन, काठमाडौं । बिहीबार आजदेखि काठमाडौं उपत्यकामा कोरोना भाइरस महामारी रोकथाम र नियन्त्रणका लागि जारी निषेधाज्ञा थप कडाइ हुने भएको छ ।

भदौ ८ गतेसम्म थप गरिएको निषेधाज्ञामा पुरानै आदेशहरुलाई निरन्तरता दिएपनि सवारीसाधन सञ्चालनमा आजदेखि नयाँ नियम थपिएको छ । नयाँ नियम अनुसार आजदेखि राती ८ बजेदेखि सावारीसाधन चलाउन नपाइने भएको छ ।

नयाँ थपिएको निषेध आदेश अनुसार काठमाडौं, भक्तपुर र ललितपुरका प्रमुख जिल्ला अधिकारीको बैठकले काठमाडौं उपत्यकामा साँझ ८ बजे भित्र निजी र सार्वजनिक सवारीसाधन गन्तव्यमा पुगिसक्नुपर्ने निर्णय गरेको हो ।

निषेधाज्ञाको अरु मोडालिटी पहिलेकोलाई नै निरन्तरता दिइएको छ ।