महालक्ष्मी विकास बैंक र होटल शम्बला सम्झौता

२८ साउन, काठमाडौं । महालक्ष्मी विकास बैंकले ग्राहकलाई गुणस्तरीय सेवा र थप सुविधा प्रदान गर्ने उद्देश्यले होटल शम्बला प्रालिसँग सम्झौता गरेको छ ।

बैंकको महाराजगञ्ज शाखाको अगुवाइमा बुधबार सम्झौतापत्रमा हस्ताक्षर भएको हो । सम्झौतामा होटलका सञ्चालन प्रबन्धक रविन मानन्धर र बैंकका महाराजगञ्ज शाखा प्रमुख पल्लभ श्रेष्ठले हस्ताक्षर गरे ।

सम्झौताअनुसार बैंकका ग्राहकले होटलका विभिन्न सेवाशुल्कमा छुट पाउनेछन् । बैंकका डेबिट कार्ड प्रयोग गर्ने ग्राहकले फुड एन्ड बेभरेजमा अधिकतम १५ प्रतिशत र स्पा सेवामा १० प्रतिशतको छुट पाउन सक्नेछन् । बैंकले हाल १०३ शाखाबाट बैंकिङ सेवा दिँदै आएको छ ।