ऋचा कमेडी च्याम्पियन २ बाट बाहिरिने

३१ साउन, काठमाडौं । ऋचा शर्मा लोकप्रिय कमेडी रियालिटी शो ‘कमेडी च्याम्पियन २’मा बाहिरिने भएकी छिन् । ऋचा आमा बन्ने मिति नजिकिएपछि उनले शो छाड्न लागेकी हुन् ।

ऋचा सेप्टेम्बर महिनामा आमा बन्दैछिन् । यसैले पनि उनले टप ५ मा शो पुग्दै गर्दा ‘कमेडी च्याम्पियन २’बाट बाहिरिने निर्णय गरेकी हुन् । शोका निर्देशक विशाल भण्डारीका अनुसार यसपछि, अतिथी निर्णायकलाई कार्यक्रममा सहभागी गराइने छ ।

सन्तोष पन्त, मनोज गजुरेल, ऋचा शर्मा र प्रदिप भट्टराई पहिलो सिजनबाट नै यो शोको निर्णायकको रुपमा छन् । ‘कमेडी च्याम्पियन २’ अन्तिम ५ मा पुगिसकेको छ ।

शोका निर्देशक भण्डारीका अनुसार, आउँदो साता ऋचा शोमा उपस्थित हुनेछिन् । त्यसपछि यो शोमा ऋचा निर्णायको रुपमा हुने छैनिन ।