केन्द्रीय बैंकले ७ अर्बको ट्रेजरी बिल बिक्री गर्ने

३२ साउन, काठमाडौं । नेपाल राष्ट्र बैंकले ७ अर्ब रूपैयाँ बराबरको ट्रेजरी बिल विक्री गर्ने तयारी गरेको छ ।

केन्द्रीय बैंकले २८ दिने अवधिको लागि ५ अर्ब रूपैयाँ बराबरको ट्रेजरी बिल विक्री गर्न लागेको हो । उक्त ट्रेजरी बिल भदौ २९ गते परिपक्व हुनेछ । यस्तै, बैंकले ९१ दिनको अवधिको लागि २ अर्ब रूपैयाँ बराबरको ट्रेजरी विक्री गर्ने छ ।

उक्त ट्रेजरी बिल भने आगामी कार्तिक ३० गते परिपक्व हुनेछ । केन्द्रीय बैंकका अनुसार यो ट्रेजरी बिल सोमवार अपरान्ह ३ बजे बोलकबोल भएर मंगलवार विक्री हुनेछ ।