विकास नगर्ने वडाध्यक्षलाई बिजुलीको पोलमा बाँधेर घाममा तताए जनताले

३ भदौ, काठमाडौं । वडाको विकास गर्छु भन्दै वडाध्यक्षमा निर्वाचित भएको चार बर्ष बितिसक्दा पनि विकासका कुनैपनि कामहरु नगरेको भन्दै स्थानीय जनताले एकजना जनप्रतिनिधिलाई बिजुलीको खम्बामा बाँधेका छन् ।

तर यो खबर नेपालको नभएर छिमेकी जिल्ला भारतको हो । भारतको बिहार राज्यस्थित नेपाल भारत सीमासँगै रहेको मधुवनी जिल्लामा यो घटना घटेको हो । त्यहाँका जनताले वडाध्यक्षलाई विकास नगरेको भन्दै बिजुलीको पोलमा बाँधेर घाममा तताएका छन् ।

मधुवनी जिल्लाको मोहनिया नगर पञ्चायतमा विकास नभएको भन्दै स्थानीयहरुले आफ्नो रिस ती जनप्रतिनिधिउपर निकाल्न सुरु गरेका छन् । बर्षाको मौसममा बाटोमा हिडन कठिनाई भएको भन्दै स्थानीय जनताहरुले वडाध्यक्षलाई डोरीले बाँधेका दिनभर चर्को घाममा राखेका हुन् ।