कञ्चनपुरबाट अवैध लागूऔषध सहित पक्राउ

४ भदौ, कञ्चनपुर । भिमदत्त नगरपालिका-१२ ऐरी बस्ने सुदर्शन भारतीलाई ११.०४ ग्राम अवैध लागू औषध खैरो हेरोईन, ८.५० ग्राम अवैध लागूऔषध चरेश र नगद १ लाख ४१ हजार २ सय ५० रुपैयाँ सहित बिहीबार दिउँसो प्रहरीले पक्राउ गरेको छ ।

भारतीले लागूऔषधको कारोबार तथा ओसारपसार गरिरहेको भन्ने बिशेष सूचनाको आधारमा संघीय प्रहरी ईकाई कार्यालय महेन्द्रनगर लागूऔषध सेल र जिल्ला प्रहरी कार्यालय कञ्चनपुरबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।