टाटा ब्राण्डका गाडी खरिद गर्दा महालक्ष्मी विकास बैंकबाट ऋण पाईने, ५ बर्षका लागि ७० प्रतिशतसम्म ऋण प्रवाह हुने

४ भदौ, काठमाडौं । महालक्ष्मी विकास बैंक लिमिटेडले कमर्सियल भेहिकल्स खरिद गर्न चाहने ग्राहकहरुलाई सरल तथा
सुलभ तरिकाबाट कर्जा सेवा उपलब्ध गराउने उद्देश्यले टाटा ब्राण्डको नेपालस्थित अधिकृत बिक्रेता सिप्रदी ट्रेडिङ प्रा. लि. सँग सम्झौता गरेको छ ।

उक्त सम्झौता अनुसार सिप्रदी ट्रेडिङ प्रा. लि. बाट ग्राहकहरुले टाटा ब्राण्डका गाडीहरु खरिद गर्दा महालक्ष्मी विकास बैंकमार्फत सरल तरिकाले कर्जा सुविधा प्राप्त गर्न सक्नेछन् ।

ग्राहकहरुलाई अधिकतम ५ वर्षको लागि कर्जा उपलब्ध गराउनुका साथै अधिकतम ७० प्रतिशतसम्म कर्जा प्रवाह गरिने सम्झौतामा उल्लेख छ ।

देशका १०३ वटा शाखाहरुबाट ग्राहकहरुलाई बैंकिङ सेवा प्रदान गर्दै आएको महालक्ष्मी विकास बैंकका सम्पूर्ण शाखाहरुबाट यो सुविधा उपलब्ध हुनेछ ।