राष्ट्रियस्तरका विकास बैंकले गरे चौथो त्रैमासमा साढे ५ अर्ब रुपैयाँ बढी मुनाफा, कुनको कति ?

६ साउन, काठमाडौं । राष्ट्रियस्तरका विकास बैंकले चौथो त्रैमासको वित्तीय विवरण सार्वजनिक गरेका छन् । उक्त विवरणका अनुसार गत आर्थिक वर्षमा राष्ट्रियस्तरका विकास बैंकहरुले साढे ५ अर्ब मुनाफा गरेका छन् । जुन अघिल्लो आवको तुलनामा ६८.९५ प्रतिशत अर्थात् २ अर्ब २८ करोड ४९ लाख रुपैयाँ बढी हो ।

अघिल्लो आवको राष्ट्रियस्तरका विकास बैंकहरुको मुनाफा ३ अर्ब ३१ करोड ३९ लाख रुपैयाँ थियो ।

साथै, सो अवधिमा ८ वटा राष्ट्रिय विकास बैंकहरुले ४ अर्ब १० करोड ५८ लाख रुपैयाँ वितरणयोग्य नाफा आर्जन गरेका छन् । गत आवको असार मसान्तसम्म ८ वटा राष्ट्रियस्तरका विकास बैंकहरुको कुल चुक्ता पुँजी २६ अर्ब ९२ करोड ३३ लाख रुपैयाँ छ ।

हाल नेपालमा १८ वटा विकास बैंकहरु सञ्चालनमा छन् । जसमध्ये ८ वटा राष्ट्रियस्तरका र १० वटा क्षेत्रीयस्तर र जिल्लास्तरका विकास बैंकहरु हुन् ।

हाल राष्ट्रियस्तरका विकास बैंकहरुमा मुक्तिनाथ विकास बैंक, गरिमा विकास बैंक, ज्योति विकास बैंक, महालक्ष्मी विकास बैंक, कामना सेवाविकास बैंक, लुम्बिनी विकास बैंक, साइनरेसुंगा डेभलपमेन्ट बैंक र सांग्रिला डेभलपमेन्ट बैंक हुन् ।

कुन विकास बैंकको मुनाफा कति ?

मुक्तिनाथ विकास बैंक– बैंकले गत आर्थिक वर्षमा १ अर्ब १५ करोड ९ लाख रुपैयाँ मुनाफा आर्जन गरेको छ । जुन अघिल्लो आवको तुलनामा ६२.७० प्रतिशत अर्थात् ४४ करोड ३५ लाख रुपैयाँ बढी हो । यो नाफा नेपाल एसबिआई बैंक, सेञ्चुरी र सिभिल बैंकको भन्दा धेरै हो ।
साथै, सो अवधिमा बैंकको ८६ करोड ५ लाख ३२ हजार रुपैयाँ वितरणयोग्य नाफा कमाएको छ । बैंकको चुक्ता पुँजी ४ अर्ब ८१ करोड १५ लाख रुपैयाँको आधारमा बैंकले गत आवको नाफाबाट लगानीकर्तालाई १७.८८ प्रतिशत लाभांश वितरण गर्न सक्छ ।

गरिमा विकास बैंक– बैंकले गत आर्थिक वर्षमा ८२ करोड ५२ लाख ८८ हजार रुपैयाँ खुद नाफा आर्जन गरेको छ । जुन अघिल्लो आवको तुलनामा ४२.९७ प्रतिशत अर्थात् २४ करोड ८० लाख ३२ हजार रुपैयाँ बढी हो । बैंकको यो मुनाफा सेञ्चुरी र सिभिल बैंकको भन्दा धेरै हो ।

ज्योति विकास बैंक– बैंकले गत आर्थिक वर्षमा ७४ करोड १६ लाख ८० हजार रुपैयाँ मुनाफा आर्जन गरेको छ । जुन अघिल्लो आवको तुलनामा ५१.९७ प्रतिशत अर्थात् २५ करोड ३२ लाख २३ हजार रुपैयाँ बढी हो । बैंकको यो मुनाफा सिभिल बैंकको भन्दा धेरै हो ।

महालक्ष्मी विकास बैंक– बैंकले गत आर्थिक वर्षमा ७३ करोड २९ लाख १६ हजार रुपैयाँ खुद नाफा आर्जन गरेको छ । जुन अघिल्लो आवको तुलनामा ७१.०२ प्रतिशत अर्थात् ३० करोड ४३ लाख ५१ हजार रुपैयाँ बढी हो । बैंकको यो खुद नाफा सिभिल बैंकको भन्दा धेरै हो ।

कामना सेवा विकास बैंक– बैंकले गत आर्थिक वर्षमा ७० करोड २ लाख ४० हजार रुपैयाँ मुनाफा आर्जन गरेको छ । जुन अघिल्लो आवको तुलनामा ४ सय ८४.९० प्रतिशत अर्थात् ५८ करोड ५ लाख २१ हजार रुपैयाँ बढी हो । बैंकको यो मुनाफा सिभिल बैंकको भन्दा धेरै हो ।

लुम्बिनी विकास बैंक– बैंकले गत आर्थिक वर्षमा ५१ करोड ६२ लाख ८८ हजार रुपैयाँ मुनाफा आर्जन गरेको छ । जुन अघिल्लो आवको तुलनामा ३६.३८ प्रतिशत अर्थात् १३ करोड ७७ लाख २७ हजार रुपैयाँ बढी हो ।

साइनरेसुंगा डेभलपमेन्ट बैंक– बैंकले गत आर्थिक वर्षमा ५१ करोड ४५ लाख २५ हजार रुपैयाँ मुनाफा आर्जन गरेको छ । जुन अघिल्लो आवको तुलनामा २१.६८ प्रतिशत अर्थात् ९ करोड १६ लाख ६४ हजार रुपैयाँ बढी हो ।

सांग्रिला डेभलपमेन्ट बैंक- बैंकले गत आर्थिक वर्षमा ४१ करोड ६९ लाख ३० हजार रुपैयाँ मुनाफा आर्जन गरेको छ । जुन अघिल्लो आवको तुलनामा १ सय १८.१८ प्रतिशत अर्थात् २२ करोड ५८ लाख ८३ हजार रुपैयाँ बढी हो ।