सोमबार थपिए १,८०१ संक्रमित, २४ जनाको मृत्यु

७ भदौ, काठमाडौं । नेपालमा सोमबार पछिल्लो २४ घण्टामा १,८०१ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार ८७०४ पीसीआर परीक्षण गर्दा १५४८ र २६२२ को एन्टीजेन परीक्षण गर्दा २५३ गरी १,८०१ जनामा कोरोना संक्रमण पुष्टि भएको हो।

यस्तै पछिल्लो २४ घण्टामा कोरोना संक्रमणबाट १ हजार ९२४ जना निको भएका छन्, भने काेराेनाबाट २४ जनाको मृत्यु भएको छ । योसँगै मृत्यु हुनेको संख्या १० हजार ५३३ पुगेको छ। हाल सक्रिय संक्रमित ३८ हजार ३५१ सय छन्।

यस्तै, संक्रमितमध्ये काठमाडौं उपत्यकामा ७०८ जनालाई संक्रमण देखिएको छ। काठमाडौंमा ४४१, भक्तपुरमा १०० र ललितपुरमा १६७ जना संक्रमित थपिएका छन् ।