बैतडीमा २९ हजारभन्दा बढी नागरिकले गरे कोरोना परीक्षण

७ भदौ, बैतडी । बैतडीमा २९ हजारभन्दा बढी नागरिकको कोरोना परीक्षण गरिएको छ । जिल्लाभरी पीसीआर र एन्टीजेन विधिबाट २९ हजार १८ जनाको कोरोना परीक्षण गरिएको स्वास्थ्यकार्यालय बैतडीले जनाएको छ ।

कोरोना संक्रमण फैलिएयता परीक्षण गरिएकामध्ये दुई हजार सात सय १५ जनामा कोरोना पुष्टि भएको छ । पीसीआर विधिबाट १४ हजार सात सय ५६ जनाको कोरोना परीक्षण गरिएको र तीमध्ये दुई हजार दुई ९३ जनामा कोरोना पुष्टि भएको स्वास्थ्य कार्यालयका श्रोत व्यक्ति चन्दन सुवेदीले जानकारी दिए ।

यस्तै एन्टीजेन विधिबाट १४ हजार दुई ६२ जनाको कोरोना परीक्षण गरिएकोमा चार सय २२ जनामा कोरोना पुष्टि भएको उनले बताए । कोरोना पुष्टि भएकामध्ये १८ जनाको मृत्यु भइसकेको स्वास्थ्य कार्यालयले जनाएको छ ।

कोरोना भाइरस संक्रमणको जोखिम कायमै रहेकाले स्वास्थ्यका मापदण्ड अपनाउनुपर्नेमा स्वास्थ्यकर्मीहरुले जोड दिएका छन् । चाडपर्वको समय नजिक आएकाले यो बेला भीडभाड नगर्न स्वास्थ्यकर्मीहरुले आग्रह गरेका छन् । भीडभाडका बेलाकोरोनाभाइरसको जोखिम बढ्ने भएकाले सतर्क रहनआग्रहगरिएको हो ।