इंग्ल्याण्डका एलेक्स ब्लेकले ललितपुरबाट इपीएल खेल्ने

१० भदौ, काठमाडौं । एभरेष्ट प्रिमियर लिग ‘इपीएल’ को साविक विजेता ललितपुर प्याट्रीयट्सले इंग्ल्याण्डका एलेक्स ब्लेकलाई अनुबन्ध गरेको छ ।

बुधबार क्लबले विज्ञप्ति जारी गर्दै चौंथो संस्करणको इपीएलमा साविक विजेता ललितपुर प्याट्रीयट्सले इंग्ल्याण्डका एलेक्स ब्लेकलाई अनुबन्ध गरेको जानकारी दिएको हो ।

इंग्ल्याण्डका देब्रो हाते ब्याट्सम्यान एलेक्सले टी-२० मा १४० खेल खेलेका छन् । एलेक्स ललितपुरको यस सिजनको पहिलो विदेशी खेलाडी हुन् ।

आगामी ९ देखि २३ असोजसम्म चल्ने प्रतियोगितामा ललितपुर प्याट्रियट्स, काठमाडौं किंग्स इलावेन, भैरहवा ग्ल्याडियटर्स, पोखरा राइनोज, विराटनगर्स वारियर्स चितवन टाइगर्स गरि ६ शहरका फ्रेन्चाइज टिमले सहभागिता जनाउने छन् ।