देशभर थप २,०६५ जनामा कोरोना पुष्टि, २५ संक्रमितको मृत्यु

११ भदौ, काठमाडौं । नेपालमा पछिल्लो २४ घण्टामा देशभर थप २ हजार ६५ जनामा कोरोना भाइरस संक्रमण पुष्टि भएको छ । सोही अवधिमा २३ सय ३७ जना कोरोनामुक्त भएका छन् भने २५ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ८ हजार ७५२ जनाको पीसीआर परीक्षण गर्दा १ हजार ५७७ र ४ हजार ३६५ को एन्टिजेन परीक्षणमा ४८८ जना गरी २ हजार ६५ जनामा कोरोना संक्रमण देखिएको हो ।

शुक्रबार थपिएसँगै नेपालमा कोरोना संक्रमितको कुल संख्या ७ लाख ५६ हजार ७९२ पुगेको छ । योसँगै नेपाल मृत्‍यु हुनेको संख्या १० हजार ६६३ पुगेको छ भने ७ लाख ८ हजार २३० जना संक्रमणमुक्त भएका छन् ।

यसैबीच आज थपिएका संक्रमित मध्ये काठमाडौं उपत्यकामा ७१५ जनालाई कोरोना पोजेटिभ देखिएको छ । काठमाडौंमा ४५४, ललिपुरमा १६९ र भक्तपुरमा ९२ जनालाई संक्रमण पुष्टि भएको हो ।

हालसम्म नेपालमा ८ लाख ३८ हजार ९४८ जनालाई संक्रमण भएको छ जसमा ७ लाख ८ हजार ३० जना निको भएका छन् भने १० हजर ६६३ जनाको मृत्यु भएको छ ।