गरिमा विकास बैंकको साधारण सभाले सहारा विकास बैंकलाई प्राप्ति गर्ने प्रस्ताव पारित गर्दै

१४ भाद्र, काठमाडौं । गरिमा विकास बैंकको साधारण सभा मंगलवार हुने भएको छ । कम्पनीले सभा बिहान १० बजे प्रधान कार्यालय लाजिम्पाटमा हुने जानकारी दिएको छ ।

कम्पनीले सभाबाट सहारा विकास बैंकलाई प्राप्ति गर्ने प्रस्ताव पारित गर्नेछ । प्राप्तिपछि गरिमा विकास बैंक लिमिटेडको नामबाट एकीकृत कारोबार हुनेछ ।

गरिमा विकास बैंकले सहारा विकास बैंकलाई १:१ अनुपातमा प्राप्ति गर्न लागेको हो । उक्त साधारण सभा प्रयोजनको लागि शेयरधनीदर्ता पुस्तिका भदौ ९ गते बन्द भएको छ । यस आधारमा भदौ ८ गतेसम्म कायम शेयरधनीले साधारण सभामा भाग लिन पाउनेछन् ।

सहारा विकास बैंकलाई प्राप्तिपछि कम्पनीको चुक्तापूँजी ३ अर्ब ९४ करोड ८१ लाख ८३ हजार पुग्नेछ ।