पछिल्लो २४ घण्टामा २,२९५ जनामा कोरोना पुष्टि, १६ संक्रमितको मृत्यु

१४ भदौ, काठमाडौं । नेपालमा पछिल्लो २४ घण्टामा २ हजार २९५ जनालाई संक्रमण पुष्टि भएको छ । सोही अवधिमा १८ सय ८ जना संक्रमणमुक्त भएका छन् भने १६ जनाको मृत्यु भएको छ ।

स्वास्थ्य मन्त्रालयका अनुसार १६ हजार २३३ जनाको कोरोना परीक्षण हुँदा २२ सय ९५ जनालाई संक्रमण पुष्टि भएको हो । अहिले सक्रिय संक्रमित ३५ हजार ८७४ जना छन् ।

सोमबार थपिएसँगै नेपालमा कोरोना संक्रमितको कुल संख्या 7 लाख ६१ हजार १२४ पुगेको छ । योसँगै नेपाल मृत्‍यु हुनेको संख्या १० हजार ७३० पुगेको छ भने ७ लाख १४ हजार ५२० जना संक्रमणमुक्त भएका छन् ।