शर्माले लिए प्रधानसेनापतिको नियुक्तिपत्र

१६ भदौ, काठमाडौं । प्रधानसेनापति प्रभुराम शर्माले नियुक्तिपत्र लिएका छन् । रक्षा सचिव बेगेन्द्रराज शर्मा पौड्यालले शर्मालाई प्रधानसेनापतिको नियुक्तिपत्र प्रदान गरेका हुन् ।

राष्ट्रपति विद्यादेवी भण्डारीले मन्त्रिपरिषद्को सिफारिसमा उनलाई यही भदौ २४ गतेदेखि लागू हुने गरी प्रधानसेनापतिमा नियुक्ति गरेकी थिइन् । नियुक्तिपत्र हस्तान्तरण गर्दै सचिव पौड्यालले कायममुकायम प्रधानसेनापति शर्मालाई सफल कार्यकालको शुभकामना व्यक्त गरे ।