देशभर २,००४ जनामा कोरोना पुष्टि, १६ संक्रमितको मृत्यु

१७ भदौ, काठमाडौं । नेपालमा पछिल्लो २४ घण्टामा देशभर २ हजार ४ जनामा कोरोना भाइरसको संक्रमण पुष्टि भएको छ । सो अवधिमा १ हजमर ८४६ जना निको भएका छन् भने १६ संक्रमितको मृत्यु भएको छ ।

स्वास्थ्य मन्त्रालयका अनुसार १० हजार ६५८ पीसीआर परीक्षणमा १ हजार ६१९ जना र ३ हजार ९९२ एन्टिजेन परीक्षणमा ३८५ जना गरी २००४ जनामा संक्रमण पुष्टि भएको हो ।

यसैबीच आज थपिएकामध्ये ७९३ जना काठमाडौं उपत्यकाका छन् । काठमाडौंमा ५४१, ललितपुरमा १५२ र भक्तपुरमा १०० जना संक्रमित थपिएका छन् ।