१९ निर्जीवन बीमा कम्पनीले गरे ३ अर्ब बढि बीमा शुल्क आर्जन, अग्रस्थानमा शिखर इन्स्योरेन्स

१९ भाद्र, काठमाडौं । साउन महिनामा निर्जीवन बीमा कम्पनीहरुले ३ अर्ब बढि बीमा शुल्क आर्जन गरेका छन् । राष्ट्रिय बीमा कम्पनी बाहेक १९ वटा निर्जीवन बीमा कम्पनीहरुले ३ अर्ब १९ करोड बीमा शुल्क आर्जन गरेका हुन् ।

१९ निर्जीवन बीमा कम्पनीहरुले आर्जन गरेको बीमा शूल्कमा सबैभन्दा ठूलो हिस्सा शिखर इन्स्योरेन्सको रहेको छ । कम्पनीले चालु आर्थिक वर्ष २०७७/७८ को पहिलो महिनामा सबैभन्दा बढि शिखर इन्स्योरेन्सले ३३ करोड बीमा शूल्क आर्जन गरेको छ ।

निर्जीवन बीमा कम्पनीहरुको प्रमुख आम्दानी बीमा शुल्क हो । आर्जित बीमा शुल्कबाटै पुनर्बीमा गर्ने, दाबी भुक्तानी तिर्ने तथा बाँकी रहेको रकमलाई व्यवस्थापन गरेर मुनाफा आर्जन गर्छन् । कम्पनीको व्यवसायिक अवस्था कम्पनीहरुले आर्जन गर्ने बीमा शुल्कबाट थाहा हुने भएकाले यसलाई महत्वका साथ हेरिन्छ ।

सबैभन्दा बढि बीमा शूल्क आर्जन गर्ने कम्पनी कुन ?

सबैभन्दा धेरै बीमा शूल्क आर्जन गर्ने कम्पनी हो शिखर इन्स्योरेन्स । कम्पनीले ३३ करोड रुपैयाँ बीमा शुल्क आर्जन गरेको छ ।

यतिबेला शिखर इन्स्योरेन्सले हकप्रद निष्कासनको लागि नेपाल धितोपत्र बोर्डमा आवेदन दिएको छ । बोर्डले अनुमति दिएपश्चात कम्पनीले हमप्रद शेयर सकेत निष्कासन गर्ने भएको छ ।

त्यस्तै दोस्रो नम्बरमा रहेको सगरमाथाले ३० करोड रुपैयाँ बीमा शुल्क आर्जन गरेको छ भने तेस्रो नम्बरमा रहेको नेकोले २६ करोड रुपैयाँ बीमा शुल्क आर्जन गरेको हो ।

हेरौं कुन कम्पनीले कति गरे बीमा शूल्क संकलन