नेपाल विद्युत् प्राधिकरणले माग्यो ठूलो संख्यामा कर्मचारी

१९ भाद्र, काठमाडौं । नेपाल विद्युत प्राधिकरणले ठूलो संख्यामा कर्मचारी माग गरेको छ । प्राधिकरणले विभिन्न पदमा ३३० जनाका लागि रोजगारी खुल्ला गरेको हो । खुला तथा समावेशी प्रतियोगिता अन्तर्गत जागिर खुलाएको हो ।

तोकिएको न्यूनतम योग्यता पुगेका उम्मेदवारले नेपाल विद्युत प्राधिकरणको वेवसाइटमा अनलाइन आवेदन भर्न सक्नेछन् ।

प्राधिकरायले परीक्षा दस्तुर अधिकृतस्तरको दशौँ तहका लागि २ हजार, नवौँ तहका लागि १६ सय, आठौँ तहका लागि १४ सय, सातौं तहका लागि १२ सय शुल्क तोकेको छ ।

एउटै उम्मेदवारले एउटै पदको एकभन्दा बढी समूहमा सहभागी हुने भएमा तह ८ देखि १० को प्रत्येक समूहका लागि थप ५ सय रुपैयाँ, तह ७ को प्रत्येक समूहका लागि थप ४ सय रुपैयाँ लाग्नेछ ।