महालक्ष्मी विकास बैंकद्वारा सुन धितो कर्जा समाचारप्रति ध्यानाकर्षण

२० भाद्र, काठमाडौं । महालक्ष्मी विकास बैंकले सुन धितो कर्जा समाचारप्रति ध्यानाकर्षण गराएको छ । बैंककोे कुमारीपाटी शाखामा सुन धितो राखेर कर्जा लिएकी ललितपुर, ईमाडोलकी कर्जा ग्राहक विष्णु महर्जनले कर्जा चुक्ता गरी धितो फिर्ता लिने सन्दर्भमा फरक बुझाई हुनगई तत्काल धितो फिर्ता नभएको विषयलाई लिएर केही सञ्चारमाध्यममा आएका गलत समाचारप्रति गम्भीर ध्यानाकर्षण गराएको हो ।

बैंक कर्जाको निश्चित विधि र प्रक्रिया पूरा गर्ने क्रममा लागेको समयलाई लिएर बैंकले ऋणीको धितोको सम्पत्ति नै नदिन खोजेको आशयको समाचार प्रकाशित हुनु आश्यर्चको
विषय रहेको बैंकले जनाएको छ ।

बैंक र ग्राहकबिच कर्जा असुलीको भएको फरक बुझाइका कारणले भ्रामक रुपमा समाचार प्रवाह हुँदा बैंक जस्तो सम्वेदनशील निकायको प्रतिष्ठामै आँच आउने तथ्यलाई
मनन गरी समाचार प्रकासन/प्रसारण गरिदिन बैंकले अनुरोध गरेको छ ।

बैंकको विज्ञप्तीमा भजिएको छ, ‘आज मिती २०७८ भाद« १८ गते शुक्रवार ऋणीले कर्जाको सम्पूर्ण साँवा व्याज भुक्तानी गरी धितोमा राखिएको सुन बुझिलिनु भएको व्यहोरा जानकारी गराउँदछौं । बैंक आफ्ना ग्राहकहरुप्रति संधै संवेदनशील रहने र भविष्यमा पनि ग्राहक महानुभावहरुको हितलाई मध्यनजर गर्दै गुणस्तरीय सेवा प्रदान गर्ने प्रतिवद्धता व्यक्त गर्दर्छौ ।’