अवैध लागूऔषध ब्राउनसुगर सहित एक पक्राउ

२१ भदौ, बाँके । नेपालगंज उपमहानगरपालिका-१५ जमुनाहबाट १ ग्राम ५ सय मिलिग्राम अवैध लागूऔषध ब्राउनसुगर सहित कोहलपुर नगरपालिका-५ रझेना बस्ने २६ वर्षीय जनक थारुलाई सोमबार दिउँसो प्रहरीले पक्राउ गरेको छ ।

भारतबाट नेपालतर्फ आउँदै गरेका जनकलाई ईलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको प्रहरीले जाँच गर्नेक्रममा चप्पलमा लुकाई ल्याउँदै गरेको उक्त लागूऔषध सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।