विकास बैंकहरुको निक्षेप ४ खर्ब ८८ अर्ब, कर्जा लगानी कति ?

२२ भदौ, काठमाडौं । विकास बैंकहरुले एक साताको अवधिमा निक्षेप संकलन र कर्जा लगानी दुवैमा सामान्य विस्तार गरेका छन् ।

डेभलपमेन्ट बैंकर्स एसोसिएसन नेपालको तथ्यांक अनुसार एक साता (भदौ १२ देखि १८ गते) सम्मको अवधिमा विकास बैंकको निक्षेप संकलन ४ खर्ब ८८ अर्ब रहेको छ । त्यस्तै, यस अवधिमा कर्जा लगानी भने ४ खर्ब ३३ अर्ब ८ करोड रुपैयाँ पुगेकाे छ ।

पछिल्लो एक साताको अवधिमा राष्ट्रियस्तरका विकास बैंकको निक्षेप संकलन ०.४०%र कर्जा लगानी ०.९३% ले विस्तार भएको छ ।

राष्ट्रियस्तरका विकास बैंकले भदौ १८ गतेसम्म निक्षेप ४ खर्ब १६ अर्ब ३७ करोड रुपैयाँ र कर्जा लगानी ३ खर्ब ६५ अर्ब ९१ करोड रुपैयाँ रहेको छ । यद्दपि, क्षेत्रियस्तरका विकास बैंकको भने निक्षेप संकलन ०.३५% ले घटेको छ । कर्जा लगानी भने ०.५४% वृद्धि भएको छ ।