दशैंको लागि सोमबारबाट नयाँ नोट साट्न पाइने

३० भदौ, काठमाडौं । नेपाल राष्ट्र बैंकले असोज ४ गते अर्थात सोमबारबाट नयाँ नोट वितरण गर्ने भएको छ । केन्द्रीय बैैंकले एक सूचना जारी गर्दै यसपटकबाट वाणिज्य बैंकहरुका तोकिएका शाखाहरुबाट समेत नयाँ नोट वितरण गरिने भएको हो ।

केन्द्रीय बैंकले कोरोना भाइरस संक्रमणको जोखिमलाई ध्यानमा राखेर उपत्यकाका वाणिज्य बैंंकका तोकिएका शाखा कार्यालयबाट नोट सटही सुविधा लिन सकिने व्यवस्था मिलाइएको जनाएको छ ।

उपत्यकाका बाहिरको हकमा भने प्रदेशस्थित कार्यालयमा वा वाणिज्य बैंकको तोकिएको शाखा कार्यालयमा गएर नोट सतही गर्न अनुरोध गरिएको छ ।