देशभर थप १,७६० जनामा कोरोना पुष्टि, ७ जनाको मृत्यु

३० भदौ, काठमाडौं । पछिल्लो २४ घण्टामा देशभर थप १ हजार ७६० जनामा कोरोना भाइरस संक्रमण पुष्टि भएको छ । सो अवधिमा १२२० जना संक्रमणमुक्त भएका छन् भने ७ जनाको मृत्यु भएको छ ।

स्वास्थ्य मन्त्रालयका अनुसार १२ हजार ५२४ पीसीआर परीक्षणमा १,३३२ जना र ४,३२० एन्टिजेन परीक्षणमा ४२८ जना गरी कुल १,७६० जनामा संक्रमण भएको छ ।

यसैगरी काठमाडौं उपत्यकामा ४९५ संक्रमित छन् । काठमाडौंमा ३६०, ललितपुरमा ७२ र भक्तपुरमा ६३ जना संक्रमित भेटिएका मन्त्रालयले जनाएको छ ।