पहिलो विकेट झरेपछि सम्हालिएर व्याटिङ गर्दै नेपाल

१ असोज, काठमाडौं । आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको तेस्रो खेलमा नेपालले पहिलो विकेट गुमाएको छ । ओपनर व्याट्सम्यान आसिफ शेख ३ रना बनाउँदै तस्राे ओभरको पाँचाैं बलमा क्याचआउट भए ।

यो समाचार तयार पार्दासम्म अमेरिकाविरुद्व नेपालका कुशल भुर्तेल र कप्तान ज्ञानेन्द्र मल्ल क्रमश ३३ र १६ रन बनाएर व्याटिङ गरिरहेका छ । भुर्तेलले कुल ३४ बल खेल्दै ५ चौका र एक छक्का प्रहर गर्दै ३३ रन बनाएर खेलिरहेका छन् भने मल्लले १६ बलमा ८ रन जोडेका छन् । नेपालको १० ओभरको खेल सकिएको छ ।

ओमनको अल अमिरात क्रिकेट मैदानमा अमेरिकाले टस जितेर पहिले फिल्डिङ गर्ने निर्णय गरेपछि नेपालले सुरुवातमा ब्याटिङ गर्ने भएको हो ।

अमेरिकाविरुद्धको खेलमा नेपालले एक खेलाडी परिवर्तन गरेको छ । बलर बिक्रम शोबको स्थानमा गुलशन झालाई टोलीमा समावेश गरिएको छ । राष्ट्रिय टोलीमा गुलशनको यो डेब्यु समेत हो ।

आज अमेरिकालाई पराजित गदै लगातार दोस्रो जित दर्ता गराउने दाउमा नेपाल रहेको छ । यसअघि सोमबार भएको खेलमा नेपालले अमेरिकालाई पाँच विकेटले पराजित गरेको थियो । आजको खेलमा अमेरिकाका बलर पनि कसिलो बलिङ गर्दै नेपाललाई पराजित गर्ने योजनाका साथ मैदानमा उत्रिएका छन् ।