बीरगंजमा खुल्यो सांग्रिला डेभलपमेन्ट बैंकको नयाँ शाखा

४ असोज, काठमाडौं । सांग्रिला डेभलपमेन्ट बैंक लिमिटेडले बीरगंजमा नयाँ शाखा संचालनमा ल्याएको छ । ग्रामीण साथै शहरी क्षेत्रमा समेत आफ्नो उपस्थितिलाई थप दरिलो बनाउने क्रमसँगै पर्साको बीरगंज स्थित लिंकरोडमा शाखा संचालनमा ल्याएको बैंकका सहायक महाप्रवन्धक रजित मास्केले बताए ।

एक औपचारिक कार्यक्रमकाबीच आजबाट सो शाखा संचालनमा आएको हो । बीरगंज शाखा कार्यालय संचालनमा आएसँगै सो क्षेत्रका सर्वसाधारणलाई सहज बैंकिङ्ग सुविधा पुग्ने विश्वास बैंकले लिएको छ ।

आज खुलेकोसहति सांग्रिला डेभलपमेन्ट बैंकको कुल शाखा संख्या ९७ पुगेको छ । विभिन्न प्रकारका बैंकिङ्ग सुविधाहरु दिंदै आएको बैंकले नयाँ शाखाको सञ्चालनबाट सो क्षेत्रमा आफ्नो उपस्थिति विस्तार गर्दै जाने बताएको छ । अझ सरल र सहज तरिकाले बैंकिङ्ग सेवा लिने र दिने वातावरण बन्नेमा बैंक विश्वस्त रहेको छ ।

बैंकले हरेक सम्भावित क्षेत्रमा आफ्ना ग्राहकलाई सेवा उपलब्ध गराउनेगरी अन्य विभिन्न स्थानहरुमा चाँडै नै थप नयाँ शाखा कार्यालय संचालन गर्ने तयारी गरिरहेको जनाएको छ ।