वीरगञ्जमा राजपुत समुदायको भेला सम्पन्न

९ असोज, वीरगञ्ज । बारा जिल्ला समन्व्य समितिका सभापति नवलकिशोर सिंहले सबै राजपुत एक जुट भएर जानुको बिकल्प नरहेको बताएका छन् । नेपाल राजपुत सेवा समितिको शनिबार वीरगञ्जमा सम्पन्न बिशेष भेलालाई सम्बोधन गर्दै सभापति सिंहले राजपुत समाजको भवन जिमार्ण भईरहेको सन्दर्भमा यसकार्यले समाजको अस्तित्वमा थप बल पुग्ने बताए । अब दिनमा पछाडी फर्केर हेर्न जरुरी नरहेको बताए ।

होेटेल कुम्मु प्यालेसका संचालक तथा समाजमा पुर्व अध्यक्ष पीपी सिंहको कोरोनाको संक्रमणका कारण निधन भएकोमा प्रमुख अतिथि सभापति सिंह वहाँको तस्बीरमा पुष्प सहित श्रृद्धाञ्जली अपर्ण गरे । भेलालाई सम्बोधन गर्दै बार एशोसिएसनका केन्द्रिय उपाध्यक्ष रामचन्द्र सिंहले भवन निमार्णकार्यले गति लिएको भन्दै प्रसंशा व्यक्त गरे । काम गदै जादा सामान्य त्रुटी भएपनि गम्भीर भएर लाग्नु पर्नेमा जोड दिए। ईतिहास निमार्णमा सबै भुमिका बराबर हुने भएको हुनाले सबैको साथ जरुरी रहेको उनकाे भनाई रहेको छ ।

त्यस्तै देवताल गाउँपालिकाका प्रमुख चन्दन सिंहले समाजको भवन निमार्णमा शुभकामना दिदै समाजमा आफनो पारिवारी सहयोग निरन्तर रहने बताए । कार्यक्रममा भवन निमार्णको प्रगती तथा अर्थ संकलनको बारेमा महासचिव सुरेन्द्र सिंह र कोषाध्यक्ष नगनारायण सिंह प्रस्ट पारे। कार्यक्रममा सतिश सिंह राजपुत, हाहुकुम सिंह राजपुत, उदय प्रताप सिंह, श्रीभगवान सिंह, अव्धकिशोर सिंह, अनिल सिंह, जमुना सिंह लगायतले मन्तव्य व्यक्त गरेका थिए ।

शनिबारको कार्यक्रममा करिब ५ लाख रुपैया संकलन भएको बताईएको छ भने कार्यक्रम समाजका वरिष्ठ उपाध्यक्ष जटेश्वर सिंहको अध्यक्षतामा सम्पन्न भएको हो । कार्यक्रमको संचालन संचारकर्मी राजेन्द्र सिंहले गरेका थिए ।