कपनबाट ४ बर्षीय बालक अपहरणमा परेको आशंका

१२ असाेज, काठमाडाैं ।  काठमाडौंको कपनबाट चार वर्षीय बालक पियुस शर्मा अपहरणमा परेका छन् । भारतको बिहार मधुवनीका विनोद शर्माका छोरा पियुस अपहरणमा परेको प्रहरी स्रोतले जनाएको छ । उनलाई भारत बिहारकै शंकर दासले अपहरण गरेको प्रहरीको स्रोतको दावी छ ।

बालक पियुसका बुबा विनोद शर्माले छोरा अपरहणमा परेको भन्दै प्रहरीमा उजुरी गरेका छन् । प्रहरी स्रोतका अुनसार शंकर केही दिनअघि मात्रै भारतबाट नेपाल आएको हुन । उनले नेपालमा प्रयोग गर्ने मोबाइल फोनसमेत कोठामै छोडेर बालकलाई अपरहण गरेको प्रहरीले जनाएको छ ।

नुसन्धानमा संलग्न एक प्रहरी अधिकारीका अनुसार दासले कपनहुँदै चाबहिल गोपीकृष्ण हलअगाडिसम्म बालकलाई लोकल बसमा लिएर गएको खुलेको छ । त्यहाँबाट भने उनले वीरगञ्जको बस खोजेको र वीरगञ्जतर्फ गएको अनुमान प्रहरीले गरेको छ ।

बालकका आफन्तले खोजीका लागि उजुरी दिएपछि प्रहरीले भारतको सीमा जोडिएका जिल्लामा कडा सुरक्षा चेकका लागि निर्देशन दिएको छ । प्रहरीका अनुसार शंकरले पारिवारिक रिसइबीका कारण उनको अपहरण भएको अनुमान गरेको छ ।