प्रदेश २ को मुख्यमन्त्री राउतको कार्यालयमा अख्तियारकाे छापा

१३ असाेज, काठमाडाैं । अख्तियार दुरुपयोग अनुसन्धान आयोगले प्रदेश २ को मुख्यमन्त्री कार्यालयमा छापा मारेको छ । आयोगको बर्दिवासस्थित कार्यालयको टोलीले बुधबार दिउँसो मुख्यमन्त्री लालबाबु राउतको कार्यालयमा छापा मारेर कागजात नियन्त्रणमा लिएको हो ।

प्रदेश २ सरकारले २०७५ साल मंसिरबाट ‘बेटी पढाउ, बेटी बचाउ’ अभियान सुरु गरेको थियो । त्यसअन्तर्गत मुख्यमन्त्री राउतले छात्राहरूलाई साइकल वितरण गररिहेका थिए ।

साइकल खरिदमा अनियमितता भएको उजुरीपछि मुख्यमन्त्री कार्यालयमा छापा मारिएको अख्तियार स्रोतले जनाएको छ । आयोगले साइकल खरिद गर्दा गरिएका कागजात नियन्त्रणमा लिइएको छ ।