सिन्धु विकास बैंकको कामु सीईओमा गिरी नियुक्त

१४, असोज, काठमाडौं । सिन्धु विकास बैंकको कायम मुकायम (कामु) प्रमुख कार्यकारी अधिकृत (सीईओ) को जिम्मेवारी राम कुमार गिरीलाई दिइएको छ ।

कम्पनीको असोज १३ गतेको सञ्चालक समितिको बैठकले कम्पनीको नायव प्रमुख कार्यकारी अधिकृत गिरीलाई कात्तिक १ गतेदेखि लागू हुने गरी अर्को व्यवस्था नभएसम्मका लागि कायम मुकायम प्रमुख कार्यकारी अधिकृतको जिम्मेवारी दिने निर्णय गरेको हो ।

कम्पनीका प्रमुख कार्यकारी अधिकृत रमेश प्रसाद जोशीले आफ्नो व्यक्तिगत कारण खुलाई पदबाट राजिनामा दिएका अर्को व्यवस्था नभएसम्मका लागि गिरीलाई कायम मुकायम प्रमुख कार्यकारी अधिकृतको जिम्मेवारी दिईएको हो ।

प्रमुख कार्यकारी अधिकृत जोशीको राजीनामा समेत कम्पनीको असोज १३ गतेको सञ्चालक समितिको बैठकले कात्तिक १ गतेदेखि नै लागू हुने गरी स्वीकृत गरेको छ ।