भायानेटले ल्याएको दशैं अफरमा के छ ?

१५ असोज, काठमाडौं । इन्टरनेट सेवा प्रदायक भायानेटले दशैं अफर सार्वजनिक गरेको छ । नेपालमा इन्टरनेट कनेक्टिभिटी र टेलिभिजन सेवा विस्तार गरिरहेको भायनेटले दशैंमा ३२ देखि ५५ इन्चको टेलिभिजन खरिदमा २२ प्रतिशतसम्म छुट पाउनसक्ने अफर ल्याएको हो ।

बडा दशैंमा ग्राहकहरुलाई उही मूल्यमा बढी स्पीड भएको इन्टरनेट र भायाटिभी प्याकेजहरुका साथ ३२ र ५५ इन्चको एमआई एन्ड्रोइड टेलिभिजनमा छुट दिने भएको हो । बडा दशैंमा, बडा स्पीड, बडा टिभी अफर ! अन्तर्गत भायानेटको नयाँ तथा पुराना ग्राहकहरुले भायानेटको सुपर स्पीड इन्टरनेट र १७५ भन्दा धेरै च्यानल भएको भायाटिभीको कम्बो प्याकेजको वार्षिक सदस्यतामा उही मूल्यमा अझ बढी स्पीड पाउन सक्न सक्ने जनाएको छ ।

साथै भायानेटले साओमीसँगको सहकार्यमा भायानेटको इन्टरनेट र भायाटिभी प्याकेजसँगै एमआई एण्ड्रोइड टिभी बण्डल गरेको छ । यस बण्डलको खरिदमा ग्राहकले ३२ र ५५ इन्चको एमआई एण्ड्रोइड टिभीमा २२ प्रतिशतसम्म छुट पाउन सक्नेछन् ।

चाडपर्वको अवसरमा घरको लागि प्रायः नयाँ सामान किन्ने चलन र इन्टरनेटको अझ बढी उपयोग गर्ने कुरालाई ध्यानमा राखेर भायानेटले यो अफर अहिले ल्याएको जनाएको छ ।