आज देशभर थप एक हजार ४३ जनामा कोरोना पुष्टि

२० असोज, काठमाडौं । पछिल्लो २४ घण्टामा देशभर थप एक हजार ४३ जनामा कोरोना पुष्टि भएको छ । स्वास्थ्य मन्त्रालयले बुधबार सार्वजनिक गरेको विवरणअनुसार पछिल्लो २४ घन्टामा पीसीआर परीक्षणमा आठ सय ४९ र एन्टिजेन परीक्षणमा एक ९४ जनामा संक्रमण देखिएको हो ।

यो अवधिमा ११ हजार एक सय ६५ जनाको पीसीआर परीक्षण र चार हजार तीन सयजनाको एन्टिजेन परीक्षण गरिएको थियो । हाल देशभर १६ हजार एक सय ९४ जना सक्रिय संक्रमित रहेका छन् ।

बुधबार आठ सय ९१ जना कोरोना संक्रमणमुक्त भएका छन् । पछिल्लो २४ घन्टामा १२ जना संक्रमितको मृत्यु भएको छ । हालसम्म मृत्यु हुने संक्रमितको संख्या ११ हजार एक सय ९२ पुगेको छ ।