डडेल्धुरामा घरमाथिबाट आएको पहिरोमा पुरिएर एकको मृत्यु, दुई घाइते

२ कार्तिक, काठमाडौं । निरन्तरको वर्षाका कारण डडेल्धुरामा घरमाथिबाट आएको पहिरोमा पुरिएर एक जनाको मृत्यु भएको छ। जिल्लाको गन्यापधुरा गाउँपालिका–१ भात्काडाका ३२ वर्षीय विष्णु अवस्थीको ज्यान गएको प्रहरीले जनाएको हो ।

प्रहरीका अनुसार हालसम्म एक जनाको मृत्यु भएको जानकारी मात्रै आएको छ। यस्तै अमरगढी नगरपालिका–१ मा गएको पहिरोमा परी २ जना घाइते भएका छन्।

उनीहरुको डडेल्धुरा अस्पतालमा उपचार भइरहेको छ । डडेल्धुरा फोन सम्पर्कबिहीन भएकाले त्यहाँको स्थितिको बारेमा थप जानकारी लिन सकिएको छैन।