भीमदत्त राजमार्ग १५ घण्टादेखि अवरुद्ध, सयौं यात्रु अलपत्र

२ कार्तिक, काठमाडौं । सुदूरपश्चिमका सात पहाडी जिल्ला जोड्ने भीमदत्त राजमार्ग १५ घण्टाअघि देखि अवरुद्ध भएको छ। कैलालीको भासु भिर नजिक गएको पहिरोका कारण सोमबार साँझ ७ बजेदेखि राजमार्ग अवरुद्ध भएको प्रहरीले जनाएको हो।

पहिरोले सडक अवरुद्ध हुँदा ६० भन्दा बढी सवारीसाधन र सयौं यात्रु अलपत्र परेका छन् । बिरामी बोकेका एम्बुलेन्ससहित दर्जनौ गाडी भिरमा रहेकाले माथिबाट निरन्तर आइरहेको ढुङ्गा र पहिरोमा पर्न सक्ने उच्च जोखिम छ।

प्रदेश ट्राफिक प्रहरी कार्यालय अत्तरियाका अनुसार आज बिहानदेख राजमार्ग खोल्ने प्रयास भइरहेको छ ।