मार्सी धान फल्ने जुम्लाका फाँटमा बाढी पस्यो
नेपालबहस संवाददाता
कात्तिक २, २०७८ मंगलबार २०:०:३४
२ कात्तिक, जुम्ला । केही दिनदेखिको निरन्तर बर्षाले मार्सी धान फल्ने जुम्लाका फाँट बाढीमा डुबेका छन् । भित्र्याउने बेला भएका धानबाली बाढीमा डुबेपछि किसानहरू चिन्तित भएका छन् ।
तातोपानी गाउँपालिकाको नियापानीमा करिब सय रोपनी खेतमा लगाएको धान बाढीले बगाएको स्थानीय जग्ती सार्कीले बताए । उनले भने, ‘बाढीले ग्रिरीखोला जालपदेवी जलविद्युत आयोजनाको बाँध पनि भत्काएको छ । दुई दिनदेखि बत्ती अवरुद्ध छ ।’ वर्षा र बाढीका कारण सुमलसाँघु र लामाचौरको काठेपुल बगाउँदा अवतजावतमा समेत कठिनाइ भएको छ । उनका अनुसार स्थानीय भान्या सार्कीको घरमा बाढी पसेर क्षति पुगेको छ । उनको खेतबारी पनि बगाएको छ ।
यस्तै, नाग्म–गमगडी राजमार्ग पनि बन्द भएको छ । रारालिही क्षेत्रका नदी छेउछाउका बासिन्दालाई सर्तकता अपनाउन प्रहरी प्रशासनले माइकिङ गरिरहेको छ । बाढीले तिला गाउँपालिकाको सापुल्ली, नुवाकोट र कुडारी बजारको तिखुनी ज्युलाका खेत बगाएको तिला गाउँपालिका–३ का परिलाल कठायतले बताए ।
जुम्लाका प्रमुख जिल्ला अधिकारी विजयाकुमारी प्रसाई नेतृत्वको टोली क्षेति भएको क्षेत्र तातोपानी र तिलातर्फ गएको छ । प्रजिअ प्रसाईले बर्षा र बाढी बढेकाले जोखिम क्षेत्रको अवस्था बुझ्न तिला नदीको छेउछाउ र सापुल्ली गएको बताइन । उनका अनुसार जोखिमपूर्ण अवस्थामा रहेका बस्तीमा क्षेतिबाट जोगिन सतर्कता अपनाउन अग्रह गरिएको छ । नदी र खोलाको छेउछाउका र पुराना घरमा नबस्न अनुरोध गरेको उनले बताइन ।
प्रहरीले तिलाको सेरी बजार क्षेत्रको नदी क्षेत्रका घरमा नबस्न माइकिङ गरिएको छ । यस्तै, नदी छेउछाउ र खोला किनार, सडकमा समेत हिँड्डुल गर्न र जोखिमबाट बच्न आम नागरिकलाई प्रमुख जिल्ला अधिकारी प्रसाईले सुझाव दिइन ।
अहिले मार्सी धान फल्ने फाँट पानीले भरिएका छन् भने काटेका धान खेतमै कुहिन थालेका छन् । यसबेलाको वर्षाले सबैभन्दा बढी बालीनालीमा क्षेति पुगेको जुम्लाबासीले बताएका छन् । तर कतिपय ठाउँमा संचार पहँुच नभएकाले क्षेतिको विवरण एकिन हुन सकेको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमटिहानीका खरानीका घर, बौरिने प्रतीक्षामा पीडित
बैशाख २०, २०८१ बिहिबार
तापक्रम वृद्धिका कारण हिउँ र हिमनदी पग्लने क्रम तीव्र
बैशाख १०, २०८१ सोमबार
मनास्लु हिमालमा हिमपहिरो, बूढीगण्डकी नदी आसपासका क्षेत्रमा उच्च जोखिम
बैशाख ९, २०८१ आइतबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
रविको ‘रिभेन्ज’ अभिव्यक्ति र भ्रष्टाचारको सौदाबाजी !
जेठ ८, २०८१ मंगलबार
सेनाको पेट्रोल पम्पमा काम गर्ने कर्मचारीलाई 'अग्नि सुरक्षा सम्बन्धी' तालिम
जेठ ८, २०८१ मंगलबार
बागमती प्रदेश सरकारको नीति तथा कार्यक्रम जेठ १४ गते प्रस्तुत हुने
जेठ ८, २०८१ मंगलबार
कान्तिपुरका अध्यक्ष कैलाश सिरोहिया पक्राउ
जेठ ८, २०८१ मंगलबार
प्रधानमन्त्रीसँग भुटानका कृषिमन्त्रीको शिष्टाचार भेट
जेठ ८, २०८१ मंगलबार
सिरोहियालाई समाउन कान्तिपुर पब्लिकेसन्समा पुग्यो प्रहरी
जेठ ८, २०८१ मंगलबार