के एनआईसी एशिया बैंक ओरालाे लागेको हाे ? लाभांश वितरणकाे हरिबिजाेग !

काठमान्डौ । एनआईसी एशिया बैंकले आर्थिक वर्ष ०७७/७८ का लागि निकै कम लाभांश प्रस्ताव गरेको छ । कम्पनीको कार्तिक ८ गते बसेको संचालक समितिको बैठकले १५ प्रतिशत बोनस शेयर र कर प्रयोजनका लागि शुन्य दशमलव ७८९ प्रतिशत नगद लाभांश गरी जम्मा १५ दशमलव ७९ प्रतिशत लाभांश प्रस्ताव गरेको छ ।

कम्पनीको लाभांश इतिहास हेर्दा विगत तीन आर्थिक वर्षमा कम्पनीले सबैभन्दा कम लाभांश दिएको हो । कम्पनीले आर्थिक वर्ष ७५/७६ मा २१ दशमलव ०५ प्रतिशत लाभांश वितरण गरेकोमा आर्थिक वर्ष ७६/७७ मा २० प्रतिशत लाभांश वितरण गरेको थियो । आक्रामक रुपमा व्यापार गर्ने लक्ष्यका साथ कारोवार गरेको बैंकले लगानीकर्तालाई भने निराश बनाउँदै आएको छ।

कम्पनीको हाल बजार मूल्य ८३७ लाई आधार मान्दा डिभिडेण्ड इल्ड जम्मा १ दशमलव ८८ प्रतिशत हो, जुन लगानीकर्ताको नजरबाट एकदमै कम हो । एनआईसी एशियाको अहिले प्रस्तावित लाभांश हेर्दा लगानीकर्ताले भन्न थालेका छन् “ओराली लागेको एनआईसी एशिया बैंकको लाभांश ताल भो ”