रुकुमपश्चिममा भलिबल खेल हेर्न गएकी बालिका बलात्कृत

११ कार्तिक, काठमाडौं । रुकुमपश्चिममा भलिबल खेल हेर्न गएकी बालिका बलात्कृत भएकी छिन् । जिल्लाको आठबिसकोट नगरपालिका १४ बाँकेज्यूलामा भलिबल खेल हेर्न गएकी १४ बर्षिय बालिका बलात्कृत भएकी हुन् ।

प्रहरीका अनुसार उनलाई भलिबल हेर्न गएका बेला सोही ठाउँका २६ बर्षिय झकल जैशीले बलात्कार गरेका हुन । घटनापछि प्रहरीले बालिकालाई अचेत अवस्थामा फेला पारेको बताएको छ ।

प्रहरीका अनुसार बालिकाको अवस्था गम्भिर रहेको र नगर अस्पताल राडीमा सामान्य उपचार पछि थप उपचारका लागि आज नेपालगञ्ज रिफर गरिएको छ । जैशीको खोजिकार्य भइरहेको प्रहरीको भनाई छ ।