नेताहरु गम्भीर नहुँदा परनिर्भरता बढ्दै

अनुसा थापा

नेपालमा हिन्दु धर्मावलम्बीहरुको राष्ट्र हो । यहाँ थुप्रै प्रसिद्ध मठमन्दिरहरु छन् । देशभर भनौं वा उपत्यकाभित्र भएका सार्वजनिक मठमन्दिरहरुमा भक्तजनहरु पूजा गर्न जाने गर्दछन् । आफ्नो इच्छा र गच्छ अनसारले भक्तजनहरुले भेटी चढाउँछन् । यस्ताे अवस्था भए पनि नेपालका मन्दिरहरूकाे व्यवस्थापन लथालिंगकाे अवस्थामा छ । मन्दिरहरूको स्रोतसाधनको व्यवस्थापन पनि सही रूपमा हुन सकेकाे छैन ।

मन्दिरमा भक्तजनले चढाएको भेटी सरकारले संकलन गरेको छ ? त्यो पैसा राज्यको ढुकुटीमा गएको छ ? एउटा मन्दिरमा दिनौ लाखौं भक्तजनहरुले पूजा गरेर चढाएकाे भेटी किन व्यवस्थापन गिरँदैन ? एक जनाले पाँच रुपिँयादेखि हजार रुपैयाँसम्म भेटी चढाउँछन् ।  मन्दिरमा जनताले चढाएको यत्रो पैसा कहाँ जान्छ ? पुजारीकाे कमाइ कि व्यक्तिको ? वा सिमितिकाे ?

सरकार यस्ताे क्षेत्रसँग पनि बेखबर छ । कुन मन्दिरमा कति भेटी संकलन भयो ? यसको तथ्यांक पनि सरकारले राखेको छैन । संस्कृति, पर्यटन तथा नागरिक उड्ड्यन मन्त्रालयलाई पनि यसको वास्ता छैन । मन्दिरमा पूजा गर्न बसेका पुजारीहरुलाई पनि नेपाल सरकारले राजनीतिक भागबण्डामा नियुक्ति हुन थालेकाे छ । मन्दिरमा पूजा गर्ने पुजारी राजनीतिक पार्टीका सदस्य छन् । तिनले पार्टीलाई चन्दासमेत दिने गरेको छन् ।

नेपालको धर्म र धार्मिक संस्थाप्रति सरकारको एकातिर बेवास्ता छ अर्कातिर कमजोर आन्तरिक राजनीतिका कारण विदेशी हस्तक्षेप पनि बढिरहेको छ । अझ भारतको हस्तक्षेप प्रत्यक्ष देखिँदै आएको छ । २०६५ सालमा तत्कालीन प्रधानमन्त्री  पुष्पकमल दाहालले पशुपतिको पुजारीलाई चलाउँदा र सरकारी कर्मचारी एकजनालाई पदबाट हटाउँदा भारतले उनलाई प्रधानमन्त्रीबाट हटायो । नेपालको राजनीति नेपाली जनताको हातमा छैन । राजनीतिक दलले पनि नेपालको राजनीति चलाउन पाएकाे अवस्था छैन । नेपालको राजनीतिको चाबी भारतको हातमा छ भनेर बाबुराम भट्टराईले आफू प्रधानमन्त्री भएको बेला बोलेका थिए ।

अहिले नेपालको आन्तरिक राजनीति गम्भीर नहुँदा विदेशी हस्तक्षेप त बढ्यो नै अझ उद्योगधन्धाको विकास तथा कृषि क्षेत्रको विकास हुन सकेको छैन । यसले नेपालको अर्थतन्त्रमा गम्भीर असर पदै गएको छ । यसले नेपाललाई परनिर्भर बनाउँदै लगेको छ । अहिले दिनहुँ प्रयोग हुने हरियो तरकारीसमेत भारतबाट आयात हुन्छ ।

आएका सांसदले नेपालको संविधान बनाउदा भारतले नेपालमा नाकाबन्दी लगायाे । आफ्नो चाहनाअनुसार नेपालको संविधान नबन्दा भारतले नाकाबन्दी लगाएकाे हाे । भारतले नेपालको नाकाबन्दी गर्दा नेपाली जनताले दुःख पाए । त्यही भारतको विरोध गरेर केपी ओली प्रधानमन्त्री बने । आफू प्रधानमन्त्री बने तर जनता र राष्ट्र्को लागि केही गरेनन् । जनतालाई झूठो आश्वासन दिएर ओली सत्तामा पुगे । अब आउने चुनावमा ओलीले कसको विरोध गर्ने हुन् ? अरू नेताले कसकाे गुणागान गर्ने हुन् ? भन्न सकिने अवस्था छैन ।