क्रिकेट टोलीको मुख्य प्रशिक्षकका लागि ६० जनाको आवेदन

१५ कार्तिक, काठमाडौं । नेपाली राष्ट्रिय क्रिकेट टोलीको मुख्य प्रशिक्षकको लागि ६० जनाको आवेदन परेको छ । सोमबार नेपाल क्रिकेट संघ ‘क्यान’ ले मागेको खुल्ला आवेदनमा कुल ६० जनाले नाम परेको बताइएको छ ।

क्यानले १ कार्तिकमा माग गरेको खुल्ला आवेदनमा आइतबारसम्म समयावधि रहँदा ६० जनाले नाम दिएका हुन् । गत भदौमा मुख्य प्रशिक्षक डेभ ह्वाटमोरले राजीनामा दिएपछि क्रिकेट टोली प्रशिक्षकबिहीन छ ।

क्यानले इंग्ल्यान्ड क्रिकेट बोर्ड ‘ईसीबी’ वा अष्ट्रेलिया क्रिकेट ‘सीए’ बाट मान्यता प्राप्त लेभल-३ गरेको प्रशिक्षकको माग गरेको छ ।