नेपालमा पछिल्लो २४ घण्टामा थप ५३३ जनामा कोरोना पुष्टि

१५ कार्तिक, काठमाडौं । नेपालमा पछिल्लो २४ घण्टामा थप देशभर ५ सय ३३ जनामा को संक्रमण पुष्टि भएको छ ।स्वास्थ्य मन्त्रालयका अनुसार ११ हजार ६६४ जनाको कोरोना परीक्षण गर्दा पीसीआर विधिबाट ४४१ तथा एन्टिजेन विधिबाट ९२ जना संक्रमण पुष्टि भएको हो ।

मन्त्रालयका अनुसार यही अवधिमा थप ४९० जना संक्रमणमुक्त बनेका छन् । हालसम्म कूल संक्रमितमध्ये ७ लाख ९२ हजार २७७ जना संक्रमण मुक्त बनिसकेका छन् ।

नेपालमा निको हुने दर ९७.४ प्रतिशत पुगेको छ । अहिले नेपालमा सक्रिय संक्रमितको सङ्ख्या ९ हजार ३१८ रहेको छ । आज थप ९ जनाले कोभिड–१९ को संक्रमणबाट ज्यान गुमाएका छन् । हालसम्म मृत्यु हुनेको सङ्ख्या ११ हजार ४१६ जना पुगेको छ ।