सांग्रिला डेभलपमेन्ट बैंकको सभाले पारित गर्यो लाभांश प्रस्ताव

१७ कार्तिक, काठमाडौं । सांग्रिला डेभलपमेन्ट बैंकले १० दशमलव ५२६३ प्रतिशत लाभांश वितरण गर्ने प्रस्ताव पारित गरेको छ । बैंकको सत्रौं वार्षिक साधारण सभाले उक्त प्रस्ताव पारित गरेको हो ।

बैंकको कार्तिक १६ गते विहान १० बजे लैनचौर ब्याङ्क्वेट, आफ्नो सत्रौं वार्षिक साधारण सभा भौतिक तथा जुम प्रविधि मार्फत सम्पन्न भएको थियो ।

सो साधारण सभाबाट सञ्चालक समितिले प्रस्ताव गरे बमोजिम डेभलपमेन्ट बैंकको चुक्ता पूँजी २ अर्ब ७३ करोड ६९ लाख ७२ हजार ४२० रूपैयाँको १० प्रतिशत बोनस शेयर तथा कर भुक्तानी प्रयोजनका लागि चुक्ता पूँजीको ०.५२६३ प्रतिशतले हुन आउने रकम एक करोड ४४लाख पाँच हजार ११८ रूपैयाँ नगद लाभांश वितरण गर्ने प्रस्ताव पारित भएको हो ।

यसका साथै सो सभाले आ.व. ०७७/७८ को वित्तीय विवरण पारित गरेको छ । बैंकको मुलुकभर १०१ शाखा कार्यालयहरु तथा ३१ एटिएम रहेको छ ।