प्रधानन्यायाधीशविरुद्धको आन्दोलनलाई इकाइको समर्थन, सम्झौता नगर्न खबरदारी

२२ कात्तिक काठमाडौं । प्रधानन्यायाधीश चोलेँन्द्रशमशेर जबराविरुद्ध बारएसोसिएसनले चलाएको आन्दोलनलाइ देशभरका बार इकाइहरुले समर्थन जनाएका छन् । ती इकाइका पदाधिकारीहरुले जबराको राजीनामा बाहेक अन्य कुरामा सम्झौता नगर्न सुझाव दिएका छन् । विगतमा न्यायालयको सुधारको माग गर्दै भएका आन्दोलन सम्झौतामा टुंगिँदै आएकाले अब त्यसो नगर्न खबरदारी गरेका हुन् ।

दोस्रो च।णको आन्दोलन गर्ने तयारी गरिरहेको बार एसोसिएसनलाई इकाइहरुले एक दिन दृशभरका सबै अदालत ठप्प पार्न पनि सुझाएका छन् । बारले अब थाल्ने आन्दोल कसरी अगाडि बढाउने भनेर इकाइ पदाधिकारीको सुझाव लिइरहेको बताइएको छ । आइतबार २५ इकाइ र २९ पदाधिकारीको सुझाव लिइएको र सोमबार पनि अरु इकाइ पदाधिकारीको सुझव लिइने बारले जनाएको छ । अबका बारका आन्दोलनका कार्यक्रममा इकाइको सहभागिता हुने प्रतिबद्धता पनि पदाधिारीले जनाएको बारले बताएको छ । इकाइ पदाधिकारीहरुले प्रधानन्यायाधीश जवराले राजीनामा नदिएसम्म आन्दोलन नरोक्न पनि सुझाव दिएका छन् । बारका देशभर ९० इकाइहरु छन् ।

बार अध्यक्ष चण्डेश्वर श्रेष्ठले इकाइ पदाधिकारीले नेपाल बारको माग र अणनमा समर्थन जनाएको बताएका छन् । उनले प्रधानन्यायाधीश जबराको राजीनामाको मागभन्दा तल नजाने पनि बताएका छन् ।