५ विकास बैंकले गरे लाभांश घोषणाः कुनकाे कति ?

२२ कार्तिक, काठमाडौं । हालसम्म पाँच विकास बैंकले लाभांश घोषणा गरेका छन् । ती पाँच वर्ट विकास बैंकले गत वर्षको मुनाफाबाट शेयरधनीलाई लाभांश घोषणा गरेका हुन् ।

अहिलेसम्म साइन रेसुङ्गा डेभलपमेन्ट बैंक, मुक्तिनाथ विकास बैंक, लुम्बिनी विकास बैंक, कामना सेवा विकास बैंक र साग्रिला डेभलपमेन्ट र्बैंकले लाभांश घोषणा गरेका छन् ।

लाभांश घोषणा गरेका विकास बैंकमा सबैभन्दा बढी कामना सेवा विकास बैंकले लाभांश दिने भएको छ । बैंकले शेयरधनीहरुलाई १९.४७ प्रतिशत लाभांश दिने प्रस्ताव गरेको छ । जसमा बोनस १८.५० र नगद करसहित ०.९७ प्रतिशत रहेको छ ।

यस्तै मुक्तिनाथ विकास बैंकले १८.५१ प्रतिशत लाभांश दिने प्रस्ताव गरेको छ । जसमा बोनस १७.५८ र नगद ०.९३ प्रतिशत रहेको छ । लुम्बिनी विकास बैंकले सेयरधनीहरुलाई १३.७१ प्रतिशत लाभांश दिने प्रस्ताव गरेकोमा बोनस १० प्रतिशत रहेको छ भने नगद ३.७१ प्रतिशत रहेको छ ।

यस्तै साइन रेसुङ्गा डेभलपमेन्ट बैंकले लगानीकर्ताले ११.५ प्रतिशत लाभांश दिने प्रस्ताव गरेकोमा १०.९५ प्रतिशत बोनस शेयर र ०.५७ प्रतिशत नगद लाभांश दिने प्रस्ताव गरेको छ ।

अहिलेसम्म लाभांश घोषणा गरेका विकास बैंकमध्ये सबैभन्दा कम सांग्रिला डेभलपमेन्ट र्बैंकको रहेको छ । बेंकले १० प्रतिशत बोनस र ०.५३ प्रतिशत नगदसहित १०.५३ प्रतिशत लाभांश दिने प्रस्ताव गरेको छ ।