विकास बैंकद्वारा लाभांश घोषणामा ढिलाइ, हालसम्म पाँच बैंकले गरे लाभांश प्रस्ताव

२४ कार्तिक, काठमाडौं । हालसम्म करिब चार दर्जन बैंक वित्त कम्पनीले गत वर्षको मुनाफा लाभांश घोषणा गरेका छन् । यतिबेला धितोपत्र दोस्रो बजारमा सूचीकृत २० वाणिज्य बैंक, २६ लघुवित्त र चार विकास बैंकले लाभांश घोषणा गरेका छन् ।

अधिकांश वाणिज्य बैंक र लघुवित्त संस्थाले लाभांश घोषणा गरिसक्दा विकास बैंकहरुले भने ढिलाई गरिरहेका छन् । हालसम्म सांग्रिला डेभलपमेण्ट बैंक, मुक्तिनाथ विकास बैंक, लुम्बिनी विकास बैंक, शाइन रेसुङ्गा डेभलपमेण्ट बैंक र कामना सेवा विकास बैंकले गत वर्षको लाभांश सार्वजनिक गरिसकेका हुन् । हाल धितोपत्र दोस्रो बजारमा १६ विकास बैंकहरु सूचीकृत रहेका छन् ।

लाभांश सार्वजनिक गरेका विकास बैंक समूहतर्फका पाँच ओटा कम्पनीहरुमध्ये सांग्रिला डेभलपमेण्ट बैंक र कामना सेवा विकास बैंकले भने वार्षिक साधारण सभा मार्फत पारित गराईसकेका छन् ।

सांग्रिला डेभलपमेण्ट बैंकले कात्तिक १६ गते र कामना सेवा विकास बैंकले कात्तिक २३ गते वार्षिक साधारण सम्पन्न गरी प्रस्तावित लाभांश पारित गरिसकेको हुन् ।

विकास बैंकको हालसम्म सार्वजनिक लाभांश ?