पछिल्लो २४ घण्टामा थप २९५ जनामा कोरोना पुष्टि

२७ कार्तिक, काठमाडौं । नेपालमा पछिल्लो २४ घण्टामा थप २ सय ९५ जनामा कोरोना संक्रमण भएको छ । स्वास्थ्य मन्त्रालयका अनुसार ८ हजार २४३ जनाको कोरोना परीक्षण गर्दा पीसीआर विधिबाट २६० तथा एन्टिजेन विधिबाट ३५ जनामा कोरोना पुष्टि भएको हो ।

हाल देशभर ७ हजार २७८ जना सक्रिय संक्रमित रहेका छन् । यस्तै मन्त्रालयका अनुसार पछिल्लो २४ घण्टामा थप ४७८ जना संक्रमणमुक्त भएका छन् । हालसम्म कूल संक्रमिततमध्ये ९ लाख ९७ हजार ९२६ जना संक्रमणमुक्त भइसकेका छन् ।

नेपालमा निको हुने दर ९७.७ प्रतिशत रहेको छ । त्यस्तै, कोरोना संक्रमणबाट थप २ जनाको मृत्यु भएको छ । हालसम्म देशमा कोभिड–१९ बाट ज्यान गुमाउनेको सङ्ख्या ११ हजार ४७१ को पुगेको छ । देशभर थप ३४ हजार ७१६ जनाले कोरोनाविरुद्धको खोप पनि लगाएका छन् ।