भारतको केरलामा १३ विद्यार्थीमा नोरोभाइरसको संक्रमण पुष्टि

२९ कार्तिक, काठमाडौं । भारतको केरलामा कोरोना महामारीसँग जुधिरहेको समयमा नोरोभाइरसको संक्रमण पुष्टि भएको छ । भारतीय सञ्चार माध्यममा प्रकाशित समाचारका अनुसार केरला राज्यका स्वास्थ्यमन्त्री बीना जर्जले दुर्लभ नोराभाइरस फेला परेको भन्दै शुक्रबार नै सबैलाई सचेत गराएका थिए ।

केरलाका स्वास्थ्य मन्त्रीलाई उद्धृत गर्दै दिन्दुस्तान टाइम्सले दिएको खबर अनुसार केरलाको वायनाड जिल्लाको एक पशु चिकित्सा विश्वविद्यालयमा अध्ययनरत १३ विद्यार्थीमा नोरोभाइरसको संक्रमण पुष्टि भएको छ ।

उनीहरुलाई दुई साताअघि नै संक्रमण देखिएको थियो । यो अहिले नै चिन्ता गर्नुपर्ने अवस्था भए पनि सतर्क रहन स्वास्थ्य मन्त्री बीना जर्जले आग्रह गरेका छन् । नोरो भाइरसका विषयमा पनि केरला राज्यको स्वास्थ्य मन्त्रालयले सामान्य जानकारी दिएको छ ।