गठबन्धनका दलहरुले तत्कालै कदम नचाले न्यायपालिका मात्रै होइन संविधानको रक्षा पनि गर्न सक्ने छैनन्
![भेषराज पोखरेल](
https://nepalbahas.prixacdn.net/media/albums/Bheshraj_Pokhrel_PTlWJzLT9K.jpg
)
भेषराज पोखरेल
कात्तिक २९, २०७८ मंगलबार ४:३:५५
![](https://nepalbahas.prixacdn.net/media/albums/Satta-Gathbandhan-meeting_y26REdDl5i.jpg)
अहिले देश अप्ठ्यारोमा छ । न्यायपालिकाको शिर सर्वोच्च अदालत प्रधानन्यायाधीशका कारण चरम विवादमा छ । न्यायाधीशहरुले प्रधानन्यायाधीशले तोकेका इजलास बहिस्कार गरिरहेका छन् । वकिलहरुको संस्था नेपाल बार एसोसिएसनले प्रधानन्यायाधीशको राजीनामा माग्दै सर्वोच्चको गेटमा धर्ना दिइरहेको छ । वकिलहरुले देशभर प्रदर्शन गरिरहेका छन् । प्रधानन्यायाधीश चोलेन्द्रशमशेर जबरालाई सर्वोच्चमा प्रवेश गर्नै नदिने भन्दै धर्ना दिइरहेका वकिलहरुले उनले राजीनामा नदिएसम्म आन्दोलन नरोकिने बताइरहेका छन् ।
प्रधानन्यायाधीश जबराले वार्ताका लागि सोमबार आह्वान गरेकोमा बार एसोसिएसनले राजीनामा नदिएसम्म वार्तामा नबस्ने अडान लिएको छ । सत्तारुढ गठबन्धनका दलहरुले अदालतको समस्या आफै समाधान होस् भन्दै मानौं यो समस्या अति सामान्य हो र चोलेन्द्रशमशेर र वकिलका बीचको समस्या हो भनेजस्तो गरी बेवास्ता गरिरहेका छछन् । उता प्रतिपक्षी दल नेकपाका एमालेले भने केपी ओलीको असंवैधानिक कदमलाई सही साबित गर्नमा यो घटनालाई भरपुर उपयोग गर्ने पक्षमा छ ।
एमालेका अध्यक्ष केपी ओलीले संवैधानिक इजलासमा बसेर परमादेशको फैसला गर्ने पाँचैजना न्यायाधीश दोषी छन् भनिरहेका छन् । उनले मेरो सरकार हटाउन सर्वोच्च र गठबन्धनका दलहरुबीच साँठगाँठ भएको पनि बताउन भ्याएका छन् । एक पक्षले बेवास्ता गर्ने, अर्कोले यसलाई आफ्नो असंवैधानिक कदमलाई सही देखाउन उपयोग गर्न प्रयास गर्नु अत्यन्तै खतरनाक अवस्था हो ।
नेपालको न्यायपालिका राजनीतिबाट पूर्णरुपमा प्रभावित छ । न्यायाधीशहरु राजनीतिक भागबण्डाबाट चुनिँदै आए । चोलेन्द्रशमशेर जबराले केपी ओलीसँगै संवैधानिक नियुक्ति तथा अन्य सबै क्षेत्रमा आफ्नो भाग लिँदै आएकै हुन् । उनले ओलीले ल्याएको संवैधानिक पषिद्सम्बन्धी विधेयकको पूर्णरुपमा सहायक बने । सो विधेयकविरुद्ध परेका रिट अहिले पनि उनको प्राथमिकतामा परेका छैनन् । यो उनको डरलाग्दो र निकृष्ट राजनीतिलाई उपयोग गरेको उदाहरण हो तर उनको अध्यक्षतामा गठन भएको संवैधानिक इजलास पनि गलत थियो त ? संवैधानिक इजलासले गरेको परमादेशको फैसला राजनीतिक साँठगाठमा भएको थियो त ? यसको उत्तर सर्वोच्च अदालतका बाँकी न्यायाधीशले दिनुपर्छ कि पर्दैन ? बहसमा उपस्थित वकिलहरुले पनि दिनुपर्ने अवस्था आएको छ । गठबन्धनका दलहरुले पनि दिर्नैपर्ने अवस्था सिर्जना भएको छ ।
सरकार र गठबन्धनका दलहरुले यो घटना वकिलहरु र प्रधानन्ययाधीश चोलेन्द्रशमशेरबीचको विवाद जस्तो गरी आफै सुल्झाऊन् भन्नु अत्यन्तै ठूलो भूल हो । न्यायापालिकाको सर्वोच्च निकाय सर्वोच्च अदालतमा विवाद आएपछि सरकार त्यसै पनि गम्भीर हुनुपर्ने हो । विवाद लामो समयसम्म राख्नु राष्ट्र्का लागि सामान्य कुरा होइन, ठूलो घाटाको विषय हो । सरकारले यस्तो विषयमा संसदीय छानबिन समिति बनाएर यथार्थ पत्ता लगाउनु अति आवश्यक छ । यो कुरा अघिल्लो आलेखमा उठाइएको थियो ।
अन्तर्राष्ट्र्यि कानुनसम्बन्धी संस्थाहरुले पनि सरकारलाई छानबिन गर्न सुझाएका छन् । सरकारले तत्काल छानबिन गरेन र वकिलको आन्दोलनले चोलेन्द्रलाई फाल्यो भने पनि समस्याको समाधान हुनेछैन । एमालेले संवैधानिक इजलासमा बसेका अरु न्यायाधीशले पनि राजीनामा दिनुपर्छ भनिरहेकोे छ । यस्तो अवस्थामा संविधानको रक्षा र कानुनी राज्यको सुनिश्चितता कसरी हुन्छ ? ओलीको असंवैधानिक कदम सच्याइयो संविधानको रक्षा गरियो भन्ने कुरा गलत साबित गर्नेछ ।
पूर्वन्यायाधीशहरुले राजनीतिक दलहरुलाई प्रधानन्यायाधीशविरुद्ध महाभियोग लगाउन सुझाव दिएका छन् । महाभियोग छानबिन नगरी कसरी लगाउने ? बारएसोसिएसनको आरोपका आधारमा लगाउने ? सुशीला कार्कीविरुद्ध लगाएको महाभियोग जस्तो हुन कुनै बेर लाग्नेछैन । अरुले लगाएका आरोप छानबिनका लागि सहयोगी हुन सक्छ तर सरकारले आफै अध्ययन, अनुसन्धान गरेर यथातथ्य पत्ता नलगाई कुनै पनि निर्णय लिनु घातक छ । त्यसो गर्न समय लगाउन पाउने सुविधा भने छैन । तत्कालै कदम चालिहाल्नु आवश्यक छ ।
भेषराज पोखरेल
नेपालबहस डटकमका नियमित स्तम्भकार भेष राज पोखरेल वरिष्ठ पत्रकार हुन् । विगत २५ वर्षदेखि अर्थ राजनीतिक धारमा कलम चलाउँदै आएका पोखरेलले कान्तिपुर दैनिकमा २० वर्ष भन्दा बढी समय भाषा सम्पादकका रुपमा काम गरेका छन् । स्वतन्त्र लेखकका रुपमा समेत विभिन्न दैनिक पत्रपत्रिकाहरुमा लेखहरू लेख्दै आएका पोखरेलले दुई वर्ष नेपाल तारा डटकमको सम्पादकको रुपमा काम गरेको अनुभव पनि छ ।
लेखकबाट थपराज्य संयन्त्रको केन्द्रमै भ्रष्टाचारः कस्तो सरकार, कस्ता दलहरू ?
असार ११, २०८१ मंगलबार
दाहालको दिनगन्ती सुरुः ‘जादुई नम्बर’मा छैन अब कुनै दम
असार ११, २०८१ मंगलबार
विद्यार्थीले कक्षा दशपछि के पढ्ने ?
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
असार १२, २०८१ बुधबार
यी राशीमा ३ दिनपछि आर्थिक संकटको छायाँ पर्न सक्छ !
असार १२, २०८१ बुधबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
कलाकार संघले भन्यो- स्वस्तिमा-साम्राज्ञीको अभिव्यक्ति गैरजिम्मेवारपूर्ण
असार १२, २०८१ बुधबार
अब साउनदेखि सिंहदरबार प्रवेश गर्न 'इ–गेटपास'को व्यवस्था गरिने
असार १२, २०८१ बुधबार
ढल्केबर–इनरुवा प्रसारण लाइन सञ्चालन
असार १२, २०८१ बुधबार
देशका विभिन्न नदीमा पानीको बहाव बढ्दै, सतर्कता अपनाउन आग्रह
असार १२, २०८१ बुधबार
कला, संस्कृतिसहितको पहिचान नै भावी पुस्ताको महत्वपूर्ण सम्पत्ति होः राष्ट्रपति पौडेल
असार १२, २०८१ बुधबार